Өлең, жыр, ақындар

Ұмытшақ болайықшы

  • 28.07.2021
  • 0
  • 0
  • 437
Жау көбейтіп адамдар арасынан,
Пайда тауып қайсыбір таласынан.
Түлкі қулық қуғандар табылады
Болғанымсып баршаға жаны ашыған.
Есікте айтқан екі ауыз бейкүнә сөз
Төрге тоқсан құбылып жетеді тез.
Креслодан ызғырық есе қалып,
Өңменіңнен өтеді ызалы көз.
Осыдан соң басып көр қадам алға...
Кінәсізден шырмалып мүшкіл халға .
Түсіп,
Одан шыққанша шаш ағарып,
Тыныштық тілер күн жетер шыбын жанға.
Қырсық басы – төрт құбыла,
төрт мүшеңдей,
Бірін ғана іш тартып,
үшін сенбей
Алалайтын
Кінәң не,
бауырым-ау,
Үш мүшеңе денеңде пейіл бермей?
О, ағайын, осыны қояйық та!
Бір бұтаққа топ құстай қонайық та!
Жақсылықты жүрекке ұялатып
Жамандыққа ұмытшақ болайық та!



Пікірлер (0)

Пікір қалдырыңыз

Уағыздаймыз ауыз жаппай адамдық

  • 0
  • 0

Уағыздаймыз ауыз жаппай адамдық
Дейміз бәрін соған сайып тамам ғып.
Адамдықтан туындайтын ең асыл
Арман болып бара жатыр адалдық

Толық

Ол елімнің тарихи ескерткіші

  • 0
  • 0

Қарадым суретіңе қалдым қайран
Жүзінде нұр ойнаған аумай айдан
Бүлдіршін балалық пен даналықты
Тәңірім тоғыстырып қалай қойған.

Толық

«Тәкаппар-ақ» болайын талғамым көп

  • 0
  • 0

«Тәкаппар-ақ» болайын талғамым көп,
Талғап, таңдап өмірден алмағым көп.
Өзгеге бол айлалы қызыл түлкі,
Мәз бол да жүр аңқауды алдадым деп. 

Толық

Қарап көріңіз