Өлең, жыр, ақындар

Шыңдар

  • 29.07.2021
  • 0
  • 0
  • 751
Шыңдар көп өңірде де, өмірде де,
Шыңдар көп алынбаған көңілде де
Шың-шың деп шыңылдайды, ұмтылады,
Шың құмар не төмпешік, небір төбе.
«Базарға қарап тұрсақ, әркім барар» –
Дегендей,
Әккі қулар шыңды да алар... 
Шығу бар, шың болу бар... несі ғажап,
Шың болып жаралмаған болсаң әгар.
Шың болсаң, халық алар тауып, танып,
Алтынды жез етпейсің жауып, жабып.
Жел үрлеп қай жағымнан ұшырады деп,
Зая ғой өткен өмір қауыптанып.
Шың болсаң, шын бол оқтар өтпейтіндей
Ұмсынған аламан қол жетпейтіндей.
Құрақты, қойнауы кең, саялы бол,
Мәңгіге жүректерден кетпейтіндей.



Пікірлер (0)

Пікір қалдырыңыз

Ленинград

  • 0
  • 0

Сенде туып өспесем де,
Етпесем де сені тұрақ
Кең даламдай жатқан жырақ,
Сүйіктісің, Ленинград!

Толық

Мерейім

  • 0
  • 0

«Мерейім»,
аяулы ақ қанат құстарым,
Бұл сапар сендерсің
ұшырып, алысты нұсқарым.

Толық

Ақынға

  • 0
  • 0

Жаз сынды жамалыңды көрмес бұрын,
Иіле ұсынып қол бермес бұрын,
Қадірмен құрмет тұтар қонағым боп,
Аттады босағамды сөнбес жырын.

Толық

Қарап көріңіз