Өлең, жыр, ақындар

Жиделібайсын жетіңіз

  • 24.11.2015
  • 0
  • 1
  • 10331
Абылай ханның қасында
Бұқарекең жырлайды.
Жырлағанда не дейді?
Соғыспа деп жырлайды
Бұқарекең деген кәріңіз,
Соғыссаң, кетер сәніңіз.
Бізден бұрын өтіпті
Әзіретті Әлі шеріңіз.
Жаулық жолын сүймеңіз,
Мынау жалған сұм дүние
Өтпей қалмас демеңіз,
Мұсылман болсаң, кетіңіз,
Сырдарияның суынан
Көлденең кесіп өтіңіз.
Үш жыл малды ту сақтап,
Жиделібайсын жетіңіз.
Шұрайлы жердің ұйығы -
Адамы жүзге жетпей өлмеген,
Малы екі рет төлдеген,
Қатын, бала қамы үшін
Солай таман кетіңіз.
Менің жасым тоқсан үш,
Мұнан да былай сөйлеуім
Маған болар ауыр күш.
Өлетұғын тай үшін,
Қалатұғын сай үшін
Қылмаңдар жанжал, ерегес.
Бұ қылықты қоймасаң,
Құдайдың бергеніне тоймасаң,
Егер тілімді алмасаң,
Көрерсің сонан тепіріш.



Пікірлер (1)

жақсылықова Арина

жақсыыы рахмеет

Пікір қалдырыңыз

Арманың бар ма, хан ием...

  • 0
  • 0

Арманың бар ма, хан ием...
Қалданменен ұрысып,
Жеті күндей сүрісіп,
Бұқар жырау

Толық

Балалық он жасыңыз

  • 0
  • 1

Балалық он жасыңыз,
Балғын өскен құрақтай.
Жиырма деген жасыңыз,
Ағып жатқан бұлақтай.

Толық

Кәрілік шіркін не қылмас

  • 0
  • 0

Кәрілік шіркін не қылмас,
Аяғың қалар басылмай.
Қолыңа таяқ ұстатар,
Бүгілер белің жазылмай.

Толық

Қарап көріңіз