Қауыз тірлік

Азат басың болсын ірі
Қолдан келмес іске ұмтыл.
Абай

Бүгінгі бар ертең жоқ қауыз тірлік,
Арман болған қазаққа ауызбірлік.
Кеше жүрген телмеңбай теңгеріліп,
Билік тиіп, биік тұр ауызға ілініп.
Тонап алып ұялмай елім дейді
Салып қойып саудаға жерім дейді.
Бар байлығын халықтың жатқа беріп,
Еліме еткен еңбегім керім дейді.
Ескі сүрлеу, ескі ізбен қыбыр-қыбыр
Бөліп алып билеген өңшең тұғыр.
«Қолдан келмес іске ұмтыл» Абай айтқан,
Қылығына күйесің қайнап зығыр.

---