Өлең, жыр, ақындар

О, тәңірім, естімеген елде көп...

  • 08.08.2021
  • 0
  • 0
  • 1262
О, тәңірім, естімеген елде көп...
Тойған күні төсін ұрар пенде көп.
Қыран менен қатар қойып қарғаны
Болатұғын «қателікті» жөндемек.
Түзу шықса зәуде айтқан бір сөзі,
Төле би боп толғайтұғын дүр өзі,
Көтере ғып руының ұранын
Бола қалар әділеттің туы өзі.
Болғаннан соң жәйің басқа, жан басқа
Басқалықты қалай қаперге алмасқа!
Ертеңің, ең осал тұсың ойлантып,
Жөнің бар ма ұқыптырақ болмасқа.
Алаңын. жоқ сеніп келсең қандасқа,
Қандасың да болып шықса қам басқа.
Көлеңкесі түсіп, көңіл кірлетіп,
Амалың не жан жайлауын шаң басса.
Адам өзін-өзі барлауы сирек қой,
Саралайтын кемістігін билеп бой.
Ақтарылып ар алдына баруға,
Біреу қайсар, біреу әлсіз, күйрек қой.
Кемістіксіз жан болмайды несі мін,
Дер кейбіреу өзінше айтып кесемін.
Пәндалықты түсінуге болар-ау
Залымдыққа ету қылмыс кешірім.



Пікірлер (0)

Пікір қалдырыңыз

Пәнда бар ма мұңы болмас көңілде

  • 0
  • 0

Пәнда бар ма мұңы болмас көңілде,
Айналаң мұң, жан мұқалмас темір ме!
Жас қартайып, жаңа келіп, ескі өліп,
Күні ауыспас көлеңкеге өмір ме!

Толық

Тымақ киген

  • 0
  • 0

Лайлап менің тұнық бұлағымды,
Бұлдапсың, құдам, киген тымағыңды.
Тымағың таразы емес адамдыққа,
Тоңдырмас киім ғана құлағыңды.

Толық

Шиелі

  • 0
  • 0

Асан Қайғы арман еткен,
Мәуелі жер танабы
Емес пе екен деп ойлайсың
Шиелінің алабы.

Толық

Қарап көріңіз