Нән

Жаныңнан өтті сонау нән...
Оралды кері сәлемің.
Аяндай басып соңыңнан
Абайлап бәрін келемін.
Несіне түйдің қабақты?
Несіне түсің бұзылды?
Сен кірер жауып «ұжмақты»
Дедің бе кетті «қызырды?»
Мәңгілік бақыт тапты кім?
Өзгеріп бәрі жатпай ма
Жоғалтқан бүгін шаттығың
Оралып ертең таппай ма?
Өмірден татсаң ащы сый,
Соңғысы болар деп пе едің?
Қуаныш, кейіс - егіз күй,
Орыны бар ма өкпенің.

---