Жырыммен ғана демейін

Шәмшиябану Сәтбаеваға

Қадіріңді айтып, досым, не дейін,
Маңғазым деп жырыммен ғана демейін.
Өз қалпыңа лайықты мәреңмен
Құттықтаймын, арта берсін мерейің.
Еңбегіңді тізіп-санап не дейін,
Жайсаңым деп жырыммен ғана демейін.
Ақырын жүріп, алқынбай жеткен мәреге,
Жүлделі ылғи кезіңді ғана көрейін.
Болашақ деп, бағдар беріп не дейін,
Ақ пейілім, жырыммен ғана демейін.
Жарқырап жанып, жұлдызы болып еліңнің
Көтере берші қазақ қызының мерейін.

---