Азамат

«Ел болса, ер туғызбай тұра алмайды,
Ер туып, жоқ елді бар қыла алмайды»
Деп кеше ақын Иса жырға қосқан
Бүгін сөз ер-азамат аға жайлы:
Дегеннің ер азамат мәні бөлек
Тәптештеп айтып несін берем дерек.
Ісімен, ел сүйсінген өнерімен
Азамат көптен биік тұрса керек.
Деген бар ел мұраты — ер мұраты,
Шығады азаматымен елдің аты.
Атса оқ, шапса қылыш,батыр жүрек.
Ісімен танылады тегі, заты.
Айтулы ер азамат Ораз Әбіш,
Есімі ел қазаққа әбден таныс.
Ақырын жүріп, анық басып көпке,
Еліне сыйлағаны тау-тау табыс.
Отырмыз бүгін тойлап сексен бесін,
Қалдырмай қалтарысын бүк-шігесін.
Қазақтың бір ғасырлық тарихының
Мұқият жасап берді шежіресін.
Бұл істе асып түсті ол ғалымдардан,
Ақтару көне тарих болған арман.
Халықты қатыстырып дерек беріп
Негізге өткерілген істерді алған.
Айтулы оқиға жоқ қағас қалған,
Сөз болған алған биік, жеткен арман.
Зерттеуші ғалымдарша талдай келіп
Қаз қойып көз алдыңа жайып салған.
Өткерген іс халықтық жатқан қайнап,
Тізіліп кез алдыңнан етеді сайрап.
Өнер мен әдебиет ұлылары
Кәдімгі тірі кезі жүр гүл жайнап.
Айтулы ұмыт қалмаған ұлы-қызы,
Бәрінің әрекеті жарқын жүзі.
Деректі фильм болып көз алдында
Сайрап жатыр кешкен жол, қалған ізі.
Өткенді көріп, танып масайрадық,
Енбегін сан-сан ғасыр жасайды анық.
Сен салған өнер жолы қызықтырып,
Ізіңмен жүрер талай жас ойланып.
Осындай ұлы еңбекті, Ораз аға,
Сыйладың халқыңа оған жетпес баға.
Ұлассын тойың тойға ғұмырлы бол,
Береді өлмес өнер биікті ала.

05.05.2001 жыл

---