Өлең, жыр, ақындар

Кешегi iзiн қайта басуға құмар күн

  • 16.08.2021
  • 0
  • 0
  • 390
Кешегi iзiн қайта басуға құмар күн,
Көлегейлетiп әлсiз сәулесiн мұнардың.
Өзiме-өзiм күн сайын берiп мың уәде,
Түк бiтiрместен мен қартаятын шығармын.
Кешегi күнiм қайталануға әуес-ақ,
Кешегi күннен айырмасы жоқ болашақ.
Уақытпен келген сабырым ғана – сүйiнiш,
Ертеңiм – тағы тұтанбай жатар жерошақ.
Осы бiр марғау шақтарға әбден жан шыдап,
Өзiмдi-өзiм ширата алмадым қамшылап.
Өзгемен бiрге өзектiң қамын ойладым,
Телмiрдiм көкке төпелесе деп тамшы бақ.
Кешегi нұрын қайта төгуге мақұл күн,
Кешегi қызық қайталанса деп қапылдым.
Бiрiнен-бiрi аумайтын күндерге iлесiп,
Тiршiлiк деген керуенде келе жатырмын...



Пікірлер (0)

Пікір қалдырыңыз

Жазғырмаймын жүректi сенгенi үшiн

  • 0
  • 0

Жазғырмаймын жүректi сенгенi үшiн,
Ақыл емес, сезiммен сенделiсiн.
Күнде көрем сол қызды,
көрген сайын,

Толық

Көктем. Қой кезек

  • 0
  • 0

Маңымыз – таспа соқпақ, сайраған iз,
Шертiлiп қайдағы сыр, қайдағы аңыз,
Көктемде Рүстем ағам екеуiмiз,
«Құлағанжар» үстiнде қой бағамыз.

Толық

Сызат тез сызылып сенімге

  • 0
  • 0

Сызат тез сызылып сенімге,
Санаға жүк болып сөз бөтен,
Осынау ғұмырда, өмірде,
Көңілдің қалуы тез екен...

Толық

Қарап көріңіз