Өлең, жыр, ақындар

Өмірге мынау жай келмей, тамсана келгін

  • 16.08.2021
  • 0
  • 0
  • 721
Өмірге мынау жай келмей, тамсана келгін,
Байыз таппайды-ау бақытты аңсаған көңлің.
Ерлігі дұрыс бағасын ала алмай, бекер,
Қалды екен сайда қу басы қаншама ердің...
Армандар неге тез өлім құшады жиі?
Өмірдің сыйы көбірек құсалы, қилы.
Арқырап келген арынын су сепкендей ғып,
Қаншама ерді тірліктің тұсауы қиды...
Жауырлы жабы көретін ақтаңгер ұлды,
Еңбектен емес, ештен дер аққан теріңді...
Белсеніп түйіп беліңді, бекініп шықсаң,
Алдыңнан алты қабатты арқан керулі.
Намыста нұсқа қалмаған, ақылда – тұспал,
Мейірім түгіл, жылу жоқ жақынға мысқал.
Қара басыңды қаңсытып, билік айтуға,
Қазаннан бұрын қайнайтын қатын да құштар.
Өткенің үшін сұрама қайтадан сауға,
Айналаң бәрі – күн үшін қайнаған сауда.
Ей, қоғам!
Ердің ерлігін түсінбесең де,
Сенен өтінем, бекерге байбалам салма...



Пікірлер (0)

Пікір қалдырыңыз

Сүйкiмдi еркесi даланың

  • 0
  • 0

Сүйкiмдi еркесi даланың,
Сыртыңнан сүйсiне қарадым.
Бiлдiрмей ұнатып жүрем де,
Мен сенен көз жазып қаламын...

Толық

Өмір фәлсафасы

  • 0
  • 0

Адамдар іздейді сыңарын,
Жол кешіп қым-қуыт, нешеме.
Таппайды жүректен тұрағын,
Оқылмай тұрғанда пешене.

Толық

Құлағанжар

  • 0
  • 0

Бiр таудан ағып түскен құлап аңғар,
Ел оны атап кеткен «Құлағанжар».
Топталып тобылғы өскен маңайына,
Жан-жағы құба белдер...

Толық

Қарап көріңіз