Өлең, жыр, ақындар

Орын аға

  • 02.09.2021
  • 0
  • 0
  • 404
(Маңғыстаудың өнер бағбаны Орын Құлсариевке)

Орын аға орнын тапқан өнерден,
өнерімен өсіп-өніп, көгерген.
Күймен бірге күмбірлесе ол егер
көзін алмай қол соғады көрермен.
Мәңгі орнығу әуезді, әсем тұғырға
өнерменен егіз деген ұғым ба —
дирижер да, күйші де өзі, өнердің
еш түрінен жерінбеген ғұмырда.
Орын аға, жақсылыққа жаршысың,
үлгі болды өзгелерге қанша ісің!
Қаншама жыл тер төктің сен татсын деп
әр көкірек әсемдіктің тамшысын.
Танылатын көңілдерде жаз бары
тіршіліктің сен оятқан аз ба әні?
Қаншама жыл тер төктің сен қалсын деп
әр жүректе сұлулықтың саздары.
Өнер десе өрге жүзер арманы
шәкірттерің майысқан бал бармағы
ойда-қырда домбырасын шалқытып,
қаншама рет қобыз болып сарнады!?
Жылдар бойы ерген өрен ізіңнен
Маңғыстауға маржан болды тізілген.
Салтанатың арта түсер әрқашан
өнер сүйген ауылдас, ұл, қызыңмен.
Сан дарынға елі танып, еркем дер
жол ашқан сен, мақтан тұтар ертеңдер.
Сені көріп қайта оралған секілді
асатаяқ, сыбызғы мен шертерлер.
Ашықтықтан ажырамасын көгі елдің,
таусылмасын сырлы сазға бөлер күн —
аймағымда мәңгі көктеп тұрсын тек
сен баптаған бәйтерегі өнердің...



Пікірлер (0)

Пікір қалдырыңыз

Қазақтың келіндері

  • 0
  • 0

«Ерке бала», «Кішкентай», «Мырза жігіт»
дейді жеңге қайнысын ырза қылып.
Инабат пен ықылас астарынан
жанға жайлы ерекше бір наз ұғып.

Толық

Торғай мен сәби

  • 0
  • 0

Секектейді торғай асфальт үстінде...
Томпаңдайсың соған қарай сен де ұшып.
Құлыным-ау, қанат кімде, күш кімде, —
ойладың ба, тұрған жоқсың тең түсіп.

Толық

Көңіл мен өмір

  • 0
  • 0

Бас бүтін, мал түгел, тек сенімге ерген,
көңілі жай — сирек болар мұндай кісі.
Сыртынан мығым, бүтін .көрінгенмен, -
бар шығар көп адамның бір қайғысы.

Толық

Қарап көріңіз