Өлең, жыр, ақындар

Өзіңе тән гүл едім

  • 12.09.2021
  • 0
  • 0
  • 545
Өзіңе тән гүл едім қырда күлген,
Тұлпар мініп жан болсаң мырза жүрген.
Қос дауыспен шырқайық аспандатып,
Мен бір әннің сөзі едім, ырғағым ең.

Қуаныштан бөркіңді аспанға атып,
Қайырмасын шырқай түс аспандатып.
Өзің жоқта сол әнді жалғыз айтып,
Сағыныштан отырам жас парлатып.

Күйді кеудем қойғандай жалын жұтып,
Түсіне алмас өзгелер халімді түк,
Осы әнді екеуміз шырқағандай,
Айта алмайды басқа ешкім тамылжытып.

Сол баяғы өз сертім, өз реңім,
Таусылмайтын сен үшін төзім едім.
Сыңғырлаған сұп-сұлу сезім едің,
Не боларын білмеймін кезігер күн…



Пікірлер (0)

Пікір қалдырыңыз

Биікпін саған кейде мен

  • 0
  • 0

Биікпін саған кейде мен,
Иіліп саған көргем жоқ.
Аласамын, сен жайлы,
Сезімді әлі жеңгем жоқ!

Толық

Қыйын

  • 0
  • 0

Жастығыңда сүрінбей жүру қыйын,
Ертең не боларыңды білу қыйын.
Өзгеріп кетсем мұны ерлік деме,
Азу оңай ,сертіңде тұру қыйын.

Толық

Сағынышым былтырғы

  • 0
  • 0

Жүрегіңе нәп-нәзік сия алғаныммен,
Сырласуға оңаша ұялғаныммен.
Қыйып едім өзгеге, өзге тағдырға.
Кездескенде бетпе-бет қия алмадым мен.

Толық

Қарап көріңіз