Мағиза Құнапияқызы

Мынау қысты сүйіп қалдым

Қазақша өлең мәтіні, өлең жолдары және толық нұсқасы.

12.09.2021
0
0
519

Мынау қысты сүйіп қалдым,
Келсе дағы күзді ұрлап.
Жұқа пальто киіп бардым,
Жып-жылы ғой сіздің жақ!

Таулары да тым өзгеше,
Шым жамылған тастары.
Біздің жаққа қарағанда,
Сәл солғындау аспаны.

Бітпейді екен бақтарыңда,
Қыс пен жаздың тартысы.
Жылы лептің ақтарылған,
Сөзіңде жүр жартысы.

Сылық иттің үрісі де,
Түгел жандай ұпайы.
Тұлпарының желісі де,
Жүрісі де сыпайы.

Тек толқыны бағынбайды,
Сәлемдесті ентелеп,
Қалсам болмас бұдан ары,
Қайтып кеттім ертерек.

Мынау қысты сүйіп қалдым,
Келсе дағы күзді ұрлап.
Жұқа пальто киіп бардым,
Жып-жылы ғой сіздің жақ!

Мағиза Құнапияқызы мынау қысты сүйіп қалдым Мағиза Құнапияқызы өлеңдері

Пікірлер (0)

Пікір қалдырыңыз

Жиі қойылатын сұрақтар