Біздің тау

Бұл бетте «Біздің тау» атты Мағиза Құнапияқызы жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 12.09.2021
  • 0
  • 0
  • 662
Өлең жырдан ажырамас бір елі,
Біздің мекен батырлар мен жыр елі.
Алтай таудың төбесінде жатқан қар,
Басқа қарға миығынан күледі.

Бұзып жарған бөгеттерді таси кеп,
Тентек толқын жағалауды қаси кет,
Ұйқысынан оянған қар түссе еске,
Тәңір тауға қояды жай бас изеп.

Тауға құштар тау бөктерін жол қылды,
Жете алмай биігіне болдырды.
Жердегі қар күте-күте ғашығын,
Жылай-жылай көздің жасын көл қылды.

Төзімің де осы жерде сыналар,
Асқақтықты біздің таудан сұрап ал.
Қалай жеттім сырымды біл дегендей,
Күлімдейді тасқа біткен қыналар.

Тау суына жуып алып бетімді,
Шалғынға аунап ойға батам не түрлі.
Қадау-қадау қарағайлар қазақтың,
Қадау-қадау ақындары секілді.


Пікірлер (0)

Пікір қалдырыңыз

Жиі қойылатын сұрақтар

Біздің тау өлеңінің авторы кім?

Мағиза Құнапияқызы — осы өлеңнің авторы.

Біздің тау өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Біздің тау өлеңі не туралы?

Бұл шығарма табиғат туралы өлең ретінде танымал. Өлеңде автор өз ойын көркем түрде жеткізеді.

Біздің тау өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері