Кезді аңсаймын ғажайып бір күйге енген

Кезді аңсаймын ғажайып бір күйге енген,
Сенсіз ғұмыр кешуге де үйренгем.
Табанымда жатқан кірпіш баспалдақ,
Сағыныштың тамшысына иленген.

Арбаса да жерде теңіз, көкте күн,
Таңдағаным жалғыз сенің өткелің.
Әлем-жәлем жырдан жасау жасап ап,
Жүрегіңе ұзатылып кеткемін.

Жүрегіңде….
Ал қасыңда жоқпын мен,
Еш кемі жоқ, сендей азап шектім мен.
Нем бар еді жүрегіңде қонақтап,
Күндіз-түні тербелумен өттім мен…

---