Мағиза Құнапияқызы

Сәлемдемең келіпті

Бұл бетте «Сәлемдемең келіпті» атты Мағиза Құнапияқызы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.09.2021
0
0
476

Мен тарттым сағыныштың әлегін көп,
Ақ қайың тұрған шақта және бүрлеп.
Ағажан көктемдегі құспен бірге,
Сәлемдемең келіпті сәлемің жоқ.

Құдірет білсең ғажап сезімде екен,
Жыр жазып алас ұрған кезім бөтен.
Хат салмай сәлемдеме салғандығым,
Амандықтың куәсі дедің бе екен?!

Құшақ-құшақ қойнына сырды ап қалған,
Дауысыңды әдемі тыңдап қанған,
Сәлемдемең. Ол дағы тіл қатпайды,
Саусағыңмен әдемі құндақталған.

Бірде жанып, бір кезде өшкіндедім,
Сол шағымды сезген жоқ ешкім менің.
Хат келер деп тәп-тәтті үмітке еріп,
Көктеменің өткіздім көп күндерін.

Мен тарттым сағыныштың әлегін көп,
Ақ қайың тұрған шақта және бүрлеп.
Аға жан көктемдегі құспен бірге,
Сәлемдемең келіпті, сәлемің жоқ!

Мағиза Құнапияқызы сәлемдемең келіпті Мағиза Құнапияқызы өлеңдері

Пікірлер (0)

Пікір қалдырыңыз

Жиі қойылатын сұрақтар