Келген кезде кезегім

Бұл бетте «Келген кезде кезегім» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 14.09.2021
  • 0
  • 0
  • 605
Өмір тұрмас басымда, сірә, мәңгі,
Бір күнімнен бір күнім сынақ алды.
Жылатпай бер, не берсең, ей, туған ел,
Сұратпай бер, берсең бір сыбағамды.
Артық сыйды өзіңнен қаламаймын,
Қанағатшыл кішкентай баладаймын.
Найзағайдан қорықсам, балапандай
Қанатыңның астын мен паналаймын.
Еншілетпе ешкімнің шырқау шыҢын,
Сұңқар көңіл сезеді тұлпар сырын.
Өмір деген теңізден бу боп ұшып,
Теңізге кеп қосылған бір тамшымын...
Өмір, өмір ағысын қозға мәңгі,
Лақтырғын жағаға озбағанды.
«Қандаймын?» – деп жаутаңдап, ешкімнен
Сұрамай-ақ білемін өз бағамды.
Кірлемесін көңілдей ақ аспаным,
Аярларды арадан аластағын.
Келген кезде кезегім, кездейсоқ жан,
Сыбағама сен менің таласпағын!..


Пікірлер (0)

Пікір қалдырыңыз

Жиі қойылатын сұрақтар

Келген кезде кезегім өлеңінің авторы кім?

Қанипа Бұғыбаева — осы өлеңнің авторы.

Келген кезде кезегім өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Келген кезде кезегім өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Келген кезде кезегім өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері