Сыншы қыз – Қанипа Бұғыбаева

Бұл бетте «Сыншы қыз» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 14.09.2021
  • 0
  • 0
  • 602
Жастықтың қызықпай аз сайранына,
Арманның ай қондырып айдарына,
Қолыңа сарбаздай боп семсер алып,
Шықтың сен әділеттің майданына.
Көзіңе қарап кейде таңданармын,
(Сын деген сыны емес пе арман, ардың),
Осынау ерге лайық қиын жолды
Қаймықпай қалай ғана таңдап алдың?
Дүлей күш сезіндің бе дауыл сырын,
Өткеріп өміріңнің ауыр сынын?
Ішінде «тұмсықтының», қарлығашым,
Қайрылып қалмас па екен қауырсының?
Өлшемге сен сенесің мен сенбеген,
Бірақ қарап сендік көзбен көрсем деп ем.
Қайрылған сен ұстаған мынау қалам
Пара-пар суырылған семсерменен.
Бір кезде басымыздан ауады өмір,
Көгіңнен кете алмай ақ шағала жүр.
Жүрекпен жазылған жыр жұрт жұтатын
Айналып кетсе, шіркін, ауаға бір...
Өзгерер дегендерің бүгін асыл,
Бұрылсаң тек уақытқа бұрыласың.
Сыншы қыз! Сенің семсер қаламыңа
Төгіп тұрсын жырым шұғыласын!..


Пікірлер (0)

Пікір қалдырыңыз

Жиі қойылатын сұрақтар

Сыншы қыз өлеңінің авторы кім?

Қанипа Бұғыбаева — осы өлеңнің авторы.

Сыншы қыз өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Сыншы қыз өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Сыншы қыз өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері