Өлең, жыр, ақындар

Сеннен қалған мейрімнің сандығы

  • 17.09.2021
  • 0
  • 0
  • 484
Ұлағатың болып бізге ұлы ұғым,
Аяладың бала-көңіл тұнығын.
...Сенен қалған мейірімнің сандығы,
Ешбір адам аша алмай жүр құлыбын.
...Қолыңызға бермейтұғын дертені,
Өмір деген қандай шолақ, келте еді?!
Бауырыңа басып алып біздерді,
Ұзақ түндер айтушы едің ертегі.
Жолын тілеп аққудайын арлының,
Тыңдайтынмын талайлының зар-мұңын.
Өркөкірек қауып әр кез өмірем,
Жігерлі жас жеңетұғын барлығын.
Содан кейін сүйіп мені ақырын,
«Арлы бол» деп айтатұғын ақылын.
Ертегінің бір қуандым ерімен,
Тапқандай боп көп күттірген жақынын.
Күлшелінің батпандайын бағы бар,
Пенде-өмір – ай!..
Тіршілікке бағынар.
Жылу шашқан сенің алақаныңның,
Маңдайымда әлі күнге табы бар.
...Сан адамды салатұғын сынаққа,
Мына тірлік толып кетті-ау сұраққа.
Сен де кеттің мәңгіліктің еліне,
Мен де кеттім арман қуып жыраққа.
Арманымды ақ жолымнан жарып ап,
Теріс қарай домалады тары-бақ.
...Өткен күнді көп ойлаймын мен бүгін,
Өлеңімді өлі түнге малып ап.
..Тіршіліктің пендесіне сыйы не?
Құлақ қойып мәңгіліктің күйіне,
Айдалада аңызақ жел кептірген,
Келіп тұрмын ай құлақты үйіңе...
...Сеніп тұрмын бақилықтың күйіне...



Пікірлер (0)

Пікір қалдырыңыз

Ғұмырымды қылар едім айырбас

  • 0
  • 0

Жаным менің!
Сезгенімде дертіңді,
Қасірет кеп байлап алды еркімді.
Музам менің әкелді де мөлдір мұң,

Толық

Бір...

  • 0
  • 0

Адалдыққа тұнса деймін аймағым,
Адал жанға құшақ болды – жайғаным.
Бір-ақ рет берілетін өмірде,
Тәуекел деп, тура жолдан таймадым.

Толық

Қайтарым...

  • 0
  • 0

Адамзаттың зерттеп көрші мінезін,
Жаратқаннан кем санайды кім өзін?!
Бір-бірімен алысудан жалығып,
Іштей өзі жанығып,

Толық

Қарап көріңіз