Өлең, жыр, ақындар

Көп қудым қызық думанды

  • 17.09.2021
  • 0
  • 0
  • 529
Көп қудым қызық думанды,
Артымда айқай шу қалды...
Естінің сөзін ескермей,
Еледім өсек, сумаңды.
Тәлкекке түсіп тағдырым,
Танымай туыс-туғанды.
Ада боп ардан, ожданнан
Адамзат неге қуланды?!
Көзімнің алды буланды,
Жанарым жасқа суланды.
Өзімнің төлім тұрғанда
Көтердім көкке буданды...
Тұлпарлар қойды тулауды,
Қырандар қойды зулауды.
Екінші дауға кезіктім,
Бітірмей жатып бір дауды.
Әйел де тілді алмайды,
Бала да қойды тыңдауды.
Оларға әлім келмеді,
Орға жықсам да сұм жауды.
Тағдырым болмай тұрлаулы,
Қуырдақ қылдым қу жанды...
Сілікпем қанша шықса да,
Қоймай-ақ келем жырлауды!



Пікірлер (0)

Пікір қалдырыңыз

Мен ақынмын!

  • 0
  • 0

Мен ақынмын!
Ей, досым, мен ақынмын!
Қауырсын бар астында қанатымның.
Тас төбеңде жұлдыздай жарқыраймын,

Толық

Кеш

  • 0
  • 0

Жағалай қонған ақбоз үй,
Ақбоз үй бір-бір шаңырақ.
Ақ самал болып ақса күй,
Қозы мен лақ жамырап.

Толық

Абай музейінде

  • 0
  • 0

Үңілемін,
Бәріне үңілемін.
Беу, не деген ғажайып ғұмыр едің!
Тарихтың маржанын сүзіп алып,

Толық

Қарап көріңіз