Өлең, жыр, ақындар

Аталар туралы

  • 22.03.2019
  • 0
  • 0
  • 17793
Біреуі мен ем атасын сүйген жастың.
Өмір бойы сені, ата, ұмытпаспын.
Күс-күс қолмен басымнан сипадың да,
Желден ықсам жып-жылы қойныңды аштың,
Көтердің де аталық қолыңменен,
Кеттің алып өзіңнің жолыңменен.
Алғашқы айтқан әніңді маған арнап,
Тыңдай бердім таусылмас сенімменен.
Жалаң аяқ үйреттің қар басуды,
Жыланмен де үйреттің арбасуды,
Ойнап кеттім құйынмен құйын болып,
Қайсарлардан таптым мен жолдасымды.
Жарыстырдың даланың тағысымен,
Алыстырдың дарияның ағысымен,
– Бәрекелде, балам! - деп тұрдың күліп,
Толқындардың жалына жабысып ем.
Қалдырмаушы ең қасыңнан қайда барсаң,
Қуанушы ең отпенен от боп жансам.
– Бәрекелде, балам! - деп тұрушы едің,
Табанымнан тікенді жұлып алсам.
Жақсы атаның атандым немересі,
Өзіме өзіңнен бар тиді үлесім.
Қаршадайдан бастырып көрігіңді,
Жаттаттың қазағыңның шежіресін.
Біреуі мен атасын сүйген жастың,
Өмір бойы мен сені ұмытпаспын.
Әз жолыңа, жан ата, түсіп бүгін,
Немереге өзім де қойнымды аштым.



Пікірлер (0)

Пікір қалдырыңыз

Інілерге

  • 0
  • 0

Шалдарға күлімсіреп қарайсыңдар,
Жатыр-ау жандарыңда талай сындар.
Әдетпен әлпештесіп ағаларды,
Жаманын жарамдыға балайсыңдар.

Толық

Көрсін ол

  • 0
  • 0

Нәресте талпынып тұрды ғой бесіктен,
Сен оны қайтадан бесікке байлама.
Көрсін ол дүниенің кеңдігін есіктен,
Ұмтылсын еңбектеп жарыққа жайнаған.

Толық

Дос портретіне

  • 0
  • 0

Апырым-ау, жоғалттым ба осы адамды,
Өзіммен бір туғандай дос адамды.
Жалаудай жалт-жұлт ойнап тұр еді ғой,
Қалайша көз алдымнан өше қалды.

Толық

Қарап көріңіз

Басқа да жазбалар