Өлең, жыр, ақындар

Өттi тағы бұл өмiрден бiр адам

  • 07.06.2022
  • 0
  • 0
  • 307
Өттi тағы бұл өмiрден бiр адам
өзiмiздей күлген, жүрген, жылаған.
Өн бойыңнан азалы бiр үн шығып
өз-өзiңнен тұрасың ғой тұншығып.
Жер үстiнде бiр от сөнiп тағы да,
жер үстiнде тоқтады бiр тiршiлiк.
Сөзге күйiп,
таланса да жалаға
әрiгерек, алысырақ қараған
биiк едi, биiк едi сол адам,
терең едi, терең едi сол адам.
Биiк едi
қамын жеген елiмнiң,
терең едi
қамын жеген жерiмнiң...
Қара табыт ескегi жоқ қайықтай
шықты қалқып иығына шерудiң.
Шықты қалқып (жүректi мұң қақ бөлдi).
Соңғы жолға аттанатын шақ келдi...
Көшеменен — иығында табыты —
қаралы өзен ағып бара жатты ендi.
Жамандықтың қабырғасын қаусатқан
адам едi ол, —
көрмеген бiр тайсақтап.
Адам едi ол —
өрге салып өмiрiн
ағыстарға, ағыстарға қарсы аққан.
Ендi, мiне, сөнiп қалған жарықтай
тiршiлiк тұр қасiреттен айықпай.
Қара табыт — қаралы өзен үстiнде
қалқып бара жатты ескексiз қайықтай...



Пікірлер (0)

Пікір қалдырыңыз

Таусылу

  • 0
  • 0

Ақтарылып тасыдым! –
Қара жартасты
Алып кете алмадым.
Көлденең жатқан

Толық

Дүниенi дүр сiлкiнтiп үркiткем

  • 0
  • 0

Дүниенi дүр сiлкiнтiп үркiткем
сонау бiр кез қос ауызды мылтықпен.
Кезiп жүрiп тау мен тасты тiнтiп мен
Дүниенi дүр сiлкiнтiп үркiткем.

Толық

Магнитті құйын күні жазылған өлең

  • 0
  • 0

Бiр әлемет болып тұр –
өлең жасық, бұйығы үн –
үйiрiлiп соғып тұр
магниттi құйыным.

Толық

Қарап көріңіз