Өлең, жыр, ақындар

Мен де өлермін

  • 17.09.2021
  • 0
  • 0
  • 1149
Мен де өлермін.
Сен де өлерсің.
Ол да өлер.
Одан қашып құтылмайды пенделер.
Дүниенің қиырына жете алмай,
Сеңдей толқып,
Соқтығысып,
Сенделер.
Өтер кім бар сыналмай да, мінелмей,
Өтер кім бар қайғырмай да, түнермей.
Өлмейтіндей көрінеміз, жер басып
Өмір бойы дәл осылай жүрердей.
Тұрғандай-ақ төбемізден төніп бұлт,
Тіл тигіздік,
Басқаларды кеміттік.
Басымызда бақыт мәңгі тұрардай
Бақасқаннан,
Тақасқаннан нені ұттық?!
Не тындырдың,
Не бітірдің,
Неғылдың?..
Бостан-босқа шашылдың да төгілдің.
«Өлі жанға» ұқсап бара жатырмыз,
Кейіпкері секілденіп Гогольдың.
Қалар бәрі.
Тау да қалар, тас қалар.
Орыныңды басар келіп басқалар.
Бекінесің – белдігіңді буарсың,
Өкінерсің – өзегіңе жас тамар.
Өкінерсің,
Опынарсың, жыларсың.
Аһ ұрарсың,
Арпалысып тынарсың.
Ақырында...
Айтып-айтпай не керек,
Ақыретте бұйырар жер – бір аршын.



Пікірлер (0)

Пікір қалдырыңыз

Көкжиектен көрінген қазбауыр бұлт

  • 0
  • 0

Көкжиектен көрінген қазбауыр бұлт,
Әкеле көрме әйтеуір жазға ауырлық.
Астында туған жердің аспанының
Өзіңді ерке желдің қозғауын күт.

Толық

Жүректің бас ұрғандай әміріне

  • 0
  • 0

Жүректің бас ұрғандай әміріне,
Ғашықпын табынғандай тәңіріге.
Зуылдап бара жатыр өмір шіркін,
Тоқтамай дегеніңе «әне-міне».

Толық

Қазақ тіліне қан керек

  • 0
  • 0

Жақсы бір хабар естідім,
Жадырап кетті жан кенет...
Көзіндей болған ескінің
Қазақ тіліне қан керек!

Толық

Қарап көріңіз