Өлең, жыр, ақындар

Анасын адам сата ма?

  • 17.09.2021
  • 0
  • 0
  • 443
Сыздайды жүрек ызадан,
Тигендей таяқ денеге.
О заман да, бұ заман
Жер сатқан деген немене?!
Бұл сөзге қалай нанамыз,
Шындыққа, сірә, жата ма?
Жер – біздің туған Анамыз,
Анасын адам сата ма?!.
Қайғыға толды көкірек,
Көзімнің жасын тия алмай,
Қаратауымның бетіне
Қараймын қалай ұялмай?!
Қазақтың қайран даласы-ау,
Болды ма белің талғандай.
Арайлы, асқақ Алатау
Аз күнде жүдеп қалғандай!
Арқаның асау желдері
Темірдей қатты тыңайып...
Көкшетауымның көлдері
Қарайды маған мұңайып.
Халқым-ай қайран...
О, тоба!
Осы ма кезің сорлаған.
Бұл жерді батыр аталар
Қанымен ғана қорғаған.
Дәм-тұзын талай таттырған
Жерімді әлі баптаймын.
Шығуға жаны шақ тұрған
Аралдың өзін сатпаймын.
Алқымнан алып бір тымау,
Күшейтті жанның жарасын.
Саудаға салақ жұртым-ау,
Жер сатып қайда барасың?!
Түскендей басқа күллі азап,
Жер сатқан деген немене?
...Бәріне төзген бұл қазақ
Бұған да енді көне ме?!



Пікірлер (0)

Пікір қалдырыңыз

Тобыл

  • 0
  • 0

Тобылғы түстес тор Тобыл,
Жағаңда сенің ерке гүл.
Қиялымды сен менің
Қияныңа асырып,

Толық

Маңғыстау

  • 0
  • 0

Аңдасаң, гүл шыққандай тақыр жерге,
Алаулап жалын атып жатыр бел де.
Бұйығы баяғыдан бұл өлкеде
Болмапты батыр кенде, ақын кенде.

Толық

Торғай туралы толғау

  • 0
  • 0

Тотыдай таңда таранып,
Толысып өскен Торғайым.
Төсіңнен сенің нәр алып,
Түлеген тыңда тал-қайың.

Толық

Қарап көріңіз

Пікірлер