Өлең, жыр, ақындар

Қанатты қазына

  • 17.09.2021
  • 0
  • 0
  • 539
Қала бұл кең даладан кен іздеген.
Қала бұл байлығы тең теңізбенен.
Бір кезде жүрген жерде өгізбенен,
Зулайды сансыз состав поезбенен.
Тұр Арқалық
Танытып дара тұлға,
Жыр болып,
Шабыт болып
Бар ақынға.
Қазынасы – домна пештерінде,
Қазынасы – самолет қанатында.
Ықыласын ылдида
Ырғыз ұққан.
Шалғайда
Шалқар ұққан.
Алғыс ап бар халықтан,
Тыңдадым талай рет
Деген сөзді:
«Самғаған қырандардың
Сан мыңы Арқалықтан».
...Дала жым-жырт
Қойнынан
Қызыл күңгірт
Тас табылып,
Поездар қорабына
Ақтарылып.
Жөнейді заводтарға,
Оранып ақ оттарға,
Ал сонан соң
Бір әппақ құсқа айналып,
Дүниенің төрт бұрышын ұшты айналып.
Қарағанда қызығып дала мына,
Қонады қыран болып
Алматы,
Арқалық,
Аэропорт алаңына.
Қашаннан қасиеті кемімеген,
Өзгеше өңірі – жыр, өмірі – өлең.
Ұшырған ақ құстарын аспанына
Арайлы Арқалығым,
Келемін бірге жасап сеніменен!



Пікірлер (0)

Пікір қалдырыңыз

Ертіс жағасындағы қала

  • 0
  • 0

Қадірін, қасиетін ұққан жастан,
Әр сөзі тіліп түсер мықты алмастан.
Армысың, аялы ел, саялы жер,
Бір кезде Абай басқан, Мұхтар басқан.

Толық

Қабағына мұз қатқан

  • 0
  • 0

Қабағына мұз қатқан
Қарайды тау түнеріп.
Хабар болмай біз жақтан,
Көзіне жас тіреліп.

Толық

Үрейлі болып мен кей күн

  • 0
  • 0

Үрейлі болып мен кей күн,
Өзіме өзім сенбеймін.
Кемедей тартқан жүрекке
Кеудеме жүкті теңдеймін.

Толық

Қарап көріңіз