Өлең, жыр, ақындар

Махаббат жалына

  • 17.09.2021
  • 0
  • 0
  • 614
Махаббат жалына
Жаңылмай жармастым.
Тіліңнің балына
Бәрібір қанбаспын.
Кезіксем кеселге
Кезенбей қалмассың.
Шын сүйдім десем де,
Сен оған нанбассың.
Еш болып еңбегім
Кетсе де талмаспын.
Тілекке көнбедің –
Тілімді алмассың.
Өзіңді сүйгендей
Өртеніп жанбаспын.
Тау-тастан именбей
Тек қана алға астым.
Алқынып демім де,
Шарқ ұрып келермін.
Зор болып өмірде,
Қор болып өлермін.
Бір күйіп, бір ысып,
Есімнен танармын.
Намысқа тырысып,
Алысқа шабармын.
Артыма қарармын
Жарасаң еруге...
Ақыры қалармын,
Құлаған жерімде!
Мен сөйтіп өлермін,
Сырыңды бүкпеші.
Сен жайлы өлеңнің
Сол болар нүктесі.



Пікірлер (0)

Пікір қалдырыңыз

Бозала таңның буымен

  • 0
  • 0

Бозала таңның буымен
Бусанып ұшты бозторғай.
Жылқылар жусап түнімен,
Ұйқыға көңіл, көз қанбай.

Толық

Сарыжайлау

  • 0
  • 0

Күйіңді шерт, кәні, Сайлау,
Күмбірлете салшы бір.
Көз алдымда сары жайлау,
Көз ұшында малшы жүр.

Толық

Өзгерді...

  • 0
  • 0

Өзгерді...
Бәрі өзгерді...
Өзгергенін көз көрді.
Сұрапыл дауыл болардай

Толық

Қарап көріңіз