Өлең, жыр, ақындар

Махаббат жалына

  • 17.09.2021
  • 0
  • 0
  • 450
Махаббат жалына
Жаңылмай жармастым.
Тіліңнің балына
Бәрібір қанбаспын.
Кезіксем кеселге
Кезенбей қалмассың.
Шын сүйдім десем де,
Сен оған нанбассың.
Еш болып еңбегім
Кетсе де талмаспын.
Тілекке көнбедің –
Тілімді алмассың.
Өзіңді сүйгендей
Өртеніп жанбаспын.
Тау-тастан именбей
Тек қана алға астым.
Алқынып демім де,
Шарқ ұрып келермін.
Зор болып өмірде,
Қор болып өлермін.
Бір күйіп, бір ысып,
Есімнен танармын.
Намысқа тырысып,
Алысқа шабармын.
Артыма қарармын
Жарасаң еруге...
Ақыры қалармын,
Құлаған жерімде!
Мен сөйтіп өлермін,
Сырыңды бүкпеші.
Сен жайлы өлеңнің
Сол болар нүктесі.



Пікірлер (0)

Пікір қалдырыңыз

Қыз қуу

  • 0
  • 0

Еліктей тастан-тасқа қарғып өткен –
Еңістен шыға келді арғымақпен.
Шу шандоз шапқан жерін ақ шаң қылып,
Көз жазып қыздың өзі қалды көптен.

Толық

Күйдім-жандым

  • 0
  • 0

Күйдім-жандым,
Өлдім-талдым,
Естен тандым – махаббат.
Бал дәміңе,

Толық

Жалғыз ауыз сөз

  • 0
  • 0

Бәрін бірдей көру мүмкін көзбенен,
Бәрін бірдей сезеді ғой өз денең.
Бар әлемнің жүрегінің тынысын
Айтып берсем жалғыз ауыз сөзбенен.

Толық

Қарап көріңіз