Өлең, жыр, ақындар

Зеренді

  • 18.09.2021
  • 0
  • 0
  • 483
Жағасын жалатқан зерменен,
Толқынын жұпар жел тербеген,
Құшағын құмарлық кернеген,
Аспаны астасқан жерменен
Мен мұндай ғаламат көрмеп ем,
Сол енді...
Сен болдың, Зеренді.
Тосыннан келгенге ой тастар,
Толқындар өр кеуде, ойқастар,
Қасқайып қарайтын қой тастар,
Қайыңдар қайыңға айқасқан,
Тәкаппар тірліктер шайқасқан,
Сол енді...
Сен болдың, Зеренді.
Үстіңнен сағымдар жылжыған,
Астыңнан ағындар зырғыған,
Құлагер сияқты шұлғыған,
Орманың «ойпыр-ай» жыр буған
Жаралған болар ма нұр будан,
Сол енді...
Сен болдың, Зеренді.
Өзіңмен өлшейін өремді,
Өзіңнен таниын тереңді.
Толқының тулап бір жөнелді,
Мен соған салайын кемемді.
Ақындай толғатқан өлеңді,
Сол енді...
Сен болдың, Зеренді!



Пікірлер (0)

Пікір қалдырыңыз

Бойжеткен

  • 0
  • 0

Кезің піскен, көзге түскен бойжеткен,
Тоқтап күшпен, тынып іштен, ой кеткен.
Арбағанға олжа болып жүрмегей,
Талғағанға табылғайсың бейнетпен.

Толық

Неге біз осы?!.

  • 0
  • 0

...Ерлікті өстік аңсап біз,
Елдікті өстік аңсап біз.
Бағынбай шекпен-шендіге,
Табынбай таққа – мансапсыз.

Толық

Жұматай, жан Жұматай!

  • 0
  • 0

Жұматай, жан Жұматай, ақын досым,
Жыр сүйген жұртың қалай жатың болсын.
Жалт еткен қарлығаштың қанатындай
Бұл сырым саған жазған хатым болсын.

Толық

Қарап көріңіз