Өлең, жыр, ақындар

Мәңгі серік мұң-нала

  • 20.09.2021
  • 0
  • 0
  • 579
Қазақ, қазақ дегенмен,
Сан қашырды-ау ұйқымды.
Құс ұшырып төбемнен,
Өзiмiздi жұбаттық,
...«Керуен көштi, ит үрдi».
Жалғыз шыққам елден мен,
Кеттi бәрi, дос сатты.
Мұң-наламен шерленген,
Қара көзiм боталап,
Қу көкiрек бос қапты.
Анам бейбақ күрсiнген,
Жүрегiмде, ойымда.
Туған жерден нұр сiңген,
Қажымайтын, талмайтын,
Тылсым күш бар бойымда.
Мазалар бұл жай кейiн,
Сауын айтып, құт тосқан.
Қазағым-ай қайтейiн,
Жақсыларын сыйламай,
Арпылдатып ит қосқан.
Серкелерiм сұлтандай,
Пышақталып кетiптi-ау.
Жiгiттерiм ұлтандай,
Арба итеріп, күл тасып,
Ұсақталып кетiптi-ау.
Ажал ма екен жаза аты,
Парықсызбен тiрестiм.
Ғұмыр бойы қазақы,
Сахараның киелi,
Рухы үшiн күрестiм.
Емексiтiп алдайтын,
Ғазиз өлең бiр ғана.
Көлеңкедей қалмайтын,
Елiмдi ойлап қажыған,
Мәңгi серiк мұң-нала.
Бұл пәниде жыр азық,
Алтын елiм, өз елiм.
Рух iздеп құлазып,
Жел өтiнде жарығым,
Өртенiп тұр өзегiм.



Пікірлер (0)

Пікір қалдырыңыз

Күз. Түнгі ой

  • 0
  • 0

Ауылды ойлап,
қаланы ойлап, жырды ойлап,
Жүріп жатқан жайымыз бар сүр бойдақ.
Біз де ержеттік әне-міне дегенше,

Толық

Ей, алдамшы дүние

  • 0
  • 0

Ей, алдамшы дүние, жағаласқан,арбасқан,
Әлi есiмде аяулы, аппақ сезiм, алғашқы ән.
Нарық мерген соңымда садағына жармасқан,
Құтылмадым бүгiнгi қамытынан тiрлiктiң,

Толық

Сен менi мүсiркеме

  • 0
  • 0

Сен менi мүсiркеме,
аямағын,
Одан да мейiрiмдi боп,
аялағын.

Толық

Қарап көріңіз