Өлең, жыр, ақындар

Алғаш рет

  • 20.09.2021
  • 0
  • 0
  • 749
Алғаш рет қараған сәт ұрлана,
Қолын бұлғап қоштасқанда қыз бала.
Самал ескен әдемі бір көктемде,
Көз тастаған сыртынан ол өткенде.
Гүл терген кез бір белеңде жап-жазық,
Содан кейін жіберген сәт хат жазып.
Алғаш рет ғашық болып бір қызға,
Қараған сәт аспандағы жұлдызға.
Алғаш рет сүйіскен сәт еріннен,
Мына дүние сондай сұлу көрінген.
Алғаш рет дос болған кез өзгемен,
Үлкен болып көрінгенмен көзге мен.
Алғаш рет өлең жазған түнімде,
Періштедей таза мөлдір күнімде.
Қайран менің, арманым-ай, арманым,
Бәрі сонда, бала кезде қалғанын.
Оларменен бір-ақ рет кез кеппін,
Соның бәрін қалай сонда сезбеппін.
Бәрін бірде айтамын деп жүр едім,
Соғып тұрса менің мұңлы жүрегім.
Сырласыңдай сыр айтайын мен саған,
Ей, адамдар, бала кезді аңсаған.
Біліп тұрып бір нәрсені білмеппіз,
Бала кездей алаңсыз бір күлмеппіз.
Бала кездей алаңсыз бір жүрмеппіз,
Дабырлаған, дуылдаған дүрмекпіз.
Бірінші рет түйіскендей болмайды,
Бірінші рет рет сүйіскендей болмайды.
Бірінші рет достасқандай болмайды,
Бірінші рет қоштасқандай болмайды.
Барлық нәрсе, осылай ғой қорланба,
Қызық-ау тек бірінші рет болғанда.



Пікірлер (0)

Пікір қалдырыңыз

Алдымнан менің керілген жұмбақ жол күтті-ау

  • 0
  • 0

Алдымнан менің керілген жұмбақ жол күтті-ау,
Бес белден астық... мұнартқан асу қорқытты-ау.
Көзіме оттай басылған қайран туған ел,
Көңіл құрғырды тағы да, тағы толқытты-ау.

Толық

Хан кене жайлы жыр

  • 0
  • 0

Құйынға айналып жарысқан ұшқан құспенен,
Апталап,
айлап, бел шешiп ыстық iшпеген.
Баз кешiп барлық жер бетiндегi бақыттан,

Толық

Мұражай мен мұрағат

  • 0
  • 0

Кездігі мен кебенегі аңшының,
Түр-түрі тұр шоқпар, гүрзі, қамшының.
Арғымақсыз ер-тоқымдар еркімді ап,
Ауыр-ауыр ойлар езіп, жаншыдың.

Толық

Қарап көріңіз