Өлең, жыр, ақындар

Күз. Түнгі ой

  • 20.09.2021
  • 0
  • 0
  • 1051
Ауылды ойлап,
қаланы ойлап, жырды ойлап,
Жүріп жатқан жайымыз бар сүр бойдақ.
Біз де ержеттік әне-міне дегенше,
Қайда достар жүрген кеше бірге ойнап?
Бақытымыз шықпады алдан біз күткен,
Сағынышқа кетті айналып күз тіптен.
Есімізге әлдекімді салады
Подъездегі ғашық үндер үздіккен.
Көкейіме кептеледі бір тілек,
Жасты көзді біз де талай сүртіп ек.
Дір-дір етіп тітіркенген ағаштар,
Жаңбыр мынау жауып тұрған сіркіреп.
Қалып жатқан күндерімнен сырылып,
Бір әдемі қалам, досым, сыр ұғып.
Күресеміз, тіресеміз біз әлі,
Кеудемізден тарағанша жылылық.



Пікірлер (0)

Пікір қалдырыңыз

О, Түркiстан

  • 0
  • 0

О, Түркiстан,
шапағат бер,
cабыр бер,
Сары даладан бақыт iздеп сабылды ел.

Толық

Сәуір де өтер

  • 1
  • 0

Сәуір тәуір болмады биылғы бұл,
Сағағынан дір етіп қыйылды гүл.
Долы дауыл бұтақты ала қашып,
Көкірегіме өзендер құйылды бір.

Толық

Шүберек

  • 0
  • 0

Тым алыста қалған сол үмiтi едiм солардың,
Адам көркi шүберек, шүберекке орандым.
Бақ пен тақтан сен түгiл патшалар да жеңiлген,
Үш-төрт кездей шүберек әкетерiң өмiрден.

Толық

Қарап көріңіз