Өлең, жыр, ақындар

Сол жылы жазда қырғызға бірге барғанбыз

  • 21.09.2021
  • 0
  • 0
  • 471
Сол жылы жазда қырғызға бірге барғанбыз,
Суынан ләззат, жерінен қуат алғанбыз.
Үзеңгілесім, көңілді біздің толқытты,
Шолпан ата мен Ыстық көл жақта қалған қыз.
Жұлдыздай қыздың өпкенде самал жамалын,
Шабдан батырдың көрдік біз барып қамалын.
Хан Кенені ойлап тұрғанда сездім, аяулым,
Түбінен жердің мені іздеп бір мұң табарын.
Тұсынан өттік баяғы Он бір жыраның*,
Наурызбай төре қайда деп одан сұрадым.
Қырғызға қарай сапарға шықсам, шырағым,
Далаға қарап оқитын менің құраным.
Есіме алсам Хан Кене ердің ұранын,
Жас баладайын келеді өксіп жылағым.
Әлдекімдерден алаңдап кейде, елегзіп,
Әлденелерді келеді менің сұрағым.
Ыстық көл дейтін армандай толқып көл жатыр,
Бұл топырақта қаншама біздің ер жатыр.
Ана кеденнен өтеміз қазір, дариға-ай,
Артымда Бішкек, алдымда біздің ел жатыр...

*Он бір жыра – Қырғызстандағы Кенесары ханмен барған сұлтандар жерленген жер аты.



Пікірлер (0)

Пікір қалдырыңыз

Жауғанда жаңбыр

  • 0
  • 0

Жауғанда жаңбыр
бетіне жердің бір күні,
Қыратқа, қалқам, құлпырып шығар қыр гүлі.
Отыз бес жылдық

Толық

Түркiстан ием

  • 0
  • 0

Түркiстан ием,
тарихы түпсiз тереңiм,
Айдындарыңа аққулар қонған ел едiң.
Он сегiздерге

Толық

Қос көкем

  • 0
  • 0

Анау, әлде мынау маған дос па екен,
Осыларға кімдер мені қосты екен?
Кезек өтіп,
бұл дүниеден баз кештім,

Толық

Қарап көріңіз