Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сәукеле тағып аспаның

Несіпбек Айтұлы

Сәукеле тағып аспаның

  • 22.09.2021
  • 0
  • 0
  • 1284
Сәукеле тағып аспаның,
Жұлдызың жамырағанда,
Құпия сезім астарын
Ашпағын, жаным, адамға.
Уақыттан қашан озды адам,
Тартады жылдар тереңге.
Ақ бота бұлттар боздаған,
Айналып жүрсе төбеңде:
Тіле сен көктен ақ жаңбыр,
Сағыныш сазы тозбасын.
Тереңде бұғып қалған бір
Толқындарыңды қозғасын.
Бастаудың жұттың мөлдірін,
Мөлдіреп өзің тұрардай.
Алыстау кеттім мен бүгін,
Артыма мойын бұра алмай.
Қарайлап қайтқан жыл құсын,
Ән салып тауды жаңғыртып,
Жолымды күтіп жүрмісің,
Тербеліп талдай жалғыз түп?!

1973

Несіпбек Айтұлы сәукеле тағып аспаның Несіпбек Айтұлы өлеңдері

Пікірлер (0)

Пікір қалдырыңыз

Алықұл аға

  • 0
  • 0

Алықұл аға, сөз сөйлеп тұрмын тойыңда,
Найзағай ойнап, бұлттар күркіреп ойымда.
Байтақ даладан тұйғындай ұшып жеттім мен,
Бүкіл қазақтың сәлемін артып мойынға.

Толық

Арман

  • 0
  • 1

Атқан таң, шыққан күндей жайнап алдан,
Дариға, алтын дәурен қайда қалған?
Айналған айдын көлді жалғыз аққу –
Адасқан абайсызда қайран арман!

Толық

Меруерт моншақ

  • 0
  • 0

Сағыныштан,
Алып ұшқан,
Қоңыр қаздай арман­ай!
Көл таба алмай,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер