Өлең, жыр, ақындар

Есер басым елден безіп, елесті құр іздесем

  • 22.09.2021
  • 0
  • 0
  • 532
Есер басым елден безіп, елесті құр іздесем,
Туған далам, сірә менен күдеріңді үзбе сен.
Қиыр кезіп жүргенімде жасқа толып жанарым,
Аруанадай аспан кезген ақ бұлтыңмен жүздесем.
Шартараптан шақырғанда шамын жағып сан үміт,
Елегізер менің жаным шырқау көкті сағынып.
Өмір бақи қаталаумен, құмарым бір қанбастан,
Сапарларда шалдығармын салбуырын боп сабылып.
Кім бар сонда алабұртсам көңілімді ұғынар,
Ұясынан алыс ұшса торғайдың да мұңы бар.
Тепкіш жүрек тынғанынша тоят таппай дүниеден,
Бал тірліктің базары мен қызығына құнығар.
Шынымен-ақ елден кетсем жел айдаған қаңбақтай,
Бұйырмай-ақ қойсын бақыт маңдайыма бармақтай.
Тым болмаса жырымменен алдандырып өтермін,
Жалқы жүрек сағыныштан жарылса да жаңғақтай.

1976



Пікірлер (0)

Пікір қалдырыңыз

Өзімен өзі қайғылы

  • 0
  • 0

Қанаты сынған көбелек,
Отырсың әрең қалтылдап.
Жүруші ең көкте әуелеп,
Танадай болып жалтылдап.

Толық

Қазақстаным

  • 0
  • 0

Мекенім, жерім – қарт анам,
Уызың кетпес таңдайдан.
Шалғының сипап арқадан,
Сүйеді күнің маңдайдан.

Толық

Сұңқар ақын

  • 0
  • 0

Жырлары ғасырларға жалғасатын,
Тудырған ақындарды ел жасасын!
Жасыңнан поэзия аспанында
Жасындай жарқылдады Олжас атың!

Толық

Қарап көріңіз