Өлең, жыр, ақындар

Сілкініс

  • 22.09.2021
  • 0
  • 0
  • 712
Жер сілкінер
Көкірегін от кернеп,
Жел сілкінер
Тауды тесіп өтсем деп.
Аспан астын астаң-кестең сапырып,
Бұлт сілкінер
Қара нөсер төксем деп.
Дүр сілкінер
Қыран қанат қақсам деп,
Дүр сілкінер
Жүйрік дәйім шапсам деп.
Бір сілкінер
Әркімнің де кезі бар,
Ғұмыр бойғы
Шаң-тозаңын қақсам деп.
Талыққанда
Суыт жүріп, түн қатып,
Жабыққанда
Терең ойға мың батып,
Шаңытқанда
Тұнық көгің мұнартып,
Зарыққанда
Сағыныштан мұң қатып,
Қаңқу сөздер,
Шаншу сөзер улатып,
Жалыққанда
Құлағыңды шулатып,
Айналаңа
Дүбіріңді тыңдатып,
Сезіміңді
Көк теңіздей тулатып,
Төзіміңді
Намысыңа туратып,
Сілкіне біл!
Сілкіну де – бір бақыт!

1978



Пікірлер (0)

Пікір қалдырыңыз

Күлтегіннің көктасы

  • 0
  • 0

Ұлы таулар, тебірен, жата бермей шалқалап,
Ұлы дала рухына басын иді шартарап.
Тәңірінің біздерге көктен түскен сыйындай,
Көктас көшіп келеді тарихымды арқалап.

Толық

Махаббат

  • 0
  • 0

Ойлап тұрсаң қабырғаңа батады-ақ,
Қыран жылап, қуанды сан жапалақ.
Бірақ көбін ұмыттырып жіберді
Тіршілікке деген іңкәр махаббат.

Толық

Естайды еске алу

  • 0
  • 0

Қорландай асыл жарды арман еткен,
Аһ ұрып, ақын Естай зарлап өткен.
Қабағы тас түйілген тағдыр барда,
Қай кезде дегеніне пенде жеткен?

Толық

Қарап көріңіз