Өлең, жыр, ақындар

Ей, өлең!

  • 23.09.2021
  • 0
  • 0
  • 764
Ей, өлең барасың сен қай жаққа алып?
Қалды ғой екеумізді аймақ танып.
Сескенем, түбі терең иірімбісің,
Бет жағы жататұғын қаймақтанып?
Білмеймін кейде саған не дерімді,
Таба алмай әлек болам керегіңді.
Япыр-ау, дариямысың дауыл мінез,
Көрсетпей қойдың ғой бір кемеріңді.
Күтіп тұр екен бізді тағдыр қандай,
Кім білсін, кімнің бағын жандырғандай?
Сөзі олақ, тілі шолақ мына заман,
Байқасам, талайды естен тандырғандай.
Көрер көз болмаса да тыңдар құлақ,
Өмірден үміт үзбе, тым зар жылап.
Шелектей түбі түскен қуыс кеуде,
Басыңды зеңітсе де құр даңғырап.
Жартасқа жаңғырғанмен жан кірген бе,
Сөз айтып әуре болма мәңгіргенге.
Есіне бір түсерміз әлдекімнің
Қалың ел қайта оянып, таң күлгенде.

1980



Пікірлер (0)

Пікір қалдырыңыз

Мамыр дала

  • 0
  • 0

Мақпалдай желі майда мамыр далам,
Қазақта кім бар сені сағынбаған?
Шалқытып көк аспанның аясында,
Өзіңді сыйға тартқан Тәңір маған.

Толық

Соға кетсең қайтеді?

  • 0
  • 0

Соға кетсең қайтеді, жарқыным-ау,
Сағыныш пен уайымның парқы бір-ау!
Немқұрайды, қатыгез қарайтындай,
Арзан ба еді өмірдің нарқы мынау?

Толық

Қора толды...

  • 0
  • 0

Қора толды шартық пенен шатаға,
Қыста туған арамзаны атама!
Қотан жұтап – қозы ермеді саулыққа,
Қошқар біткен қырылғандай, о, тоба!

Толық

Қарап көріңіз