Несіпбек Айтұлы

Ертіс бардым

Бұл бетте «Ертіс бардым» атты Несіпбек Айтұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

24.09.2021
0
0
697

Ертіс бардым,
Сыр бардым,
Жайық бардым,
Жайдым жасыл желкенін қайықтардың.
Дариялардың аялы алақаны
Анашымдай әлдилеп, байып қалдым.
Орал бардым,
Қаратау,
Алтай бардым,
Көрем бе деп көргенін қартайғанның.
Алтын ойдың кенінен алып қайттым,
Толтырмаққа ортасын жарты ойлардың.
Батыс бардым,
Шығандап шығыс бардым,
Барғандай-ақ үйіне туыстардың.
Жолыққанда от беріп жүрегімнен,
Жалынына жылындым ұғысқанның.
Адам болып туған соң жер төсіне,
Табиғаттың айналдым еркесіне.
Оңтүстіктің шомылып шуағына,
Солтүстіктің орандым көрпесіне.
Қырлар қанша мен әлі жолықпаған,
Сырлар қанша мен әлі қанықпаған.
Дүниенің қызығын түгендеген
Саяхатшы секілді болып барам...

1983

Несіпбек Айтұлы ертіс бардым Несіпбек Айтұлы өлеңдері

Пікірлер (0)

Пікір қалдырыңыз

Жиі қойылатын сұрақтар