Өлең, жыр, ақындар

Көңілдің түрлі қыры бар

  • 24.09.2021
  • 0
  • 0
  • 724
Әлемнің түсті гүлі бар,
Әркімнің ішкі жыры бар.
Жүректің сыры сан алуан,
Тірліктің сыры қыруар.
Көңілдің түрлі қыры бар,
Бірі ұқпас достың,
Бірі ұғар.
Күнгейің тұрса құлпырып,
Теріскей бетің – сүрі қар.
Кереғар – күнгей, теріскей,
Тұрады дәйім келіспей:
Сіресер –
Бірі сызданып,
Күркесер –
Бірі беріспей.
Өтеді ешбір сеніспей,
Қоймайды түбі өліспей...
Көлеңке несін көлеңке,
Күншуақпенен тебіспей?
Түрмесе түнді шымшылап,
Күншуақ несін күншуақ?
Өзімен өзі арбаспай
Өмірі кімнің тыншымақ?
Айтасың ашып кімге оны,
Сыртыңның сыны – білгені.
Ішіңе ғана белгілі
Жаныңның жылап-күлгені.

1984



Пікірлер (0)

Пікір қалдырыңыз

Жортқанда жолың болсын!

  • 0
  • 0

Алпыс жас құтты болсын, ер Қуатым,
Асқар тау жетпіс деген енді жақын.
Тектіден туа қалған бір тұяқсың,
Шығарған елдің атын, жердің атын.

Толық

Бақанас – біздің балалық

  • 0
  • 0

Ұл едік онда, қыз едік,
Бір емес едік – жүз едік.
Бақанас деген өзенді
Олай да кешкен – біз едік,

Толық

Өлең-естелік

  • 0
  • 0

Жан едің жібек мінез, майда қоңыр,
Жан аға, сенен де өтті-ау қайран өмір.
Сыздайды сыр алдырып жүрек, шіркін,
Түскенде жақсы күндер ойға небір.

Толық

Қарап көріңіз