Өлең, жыр, ақындар

Көз жасы

  • 26.09.2021
  • 0
  • 0
  • 886
О, сезімнің шым еткен нұр-шуағы
балқытады,
жуам десе — жуады...
Шыдай тұршы, шыбыным сәл, көз жасы
құлан кетсе күл-талқаны шығады.
Туған көз жас қасірет боп іш тіреп,
жүрегінде боп қайнап, пісті көп.
Хрустальдің сыңғырындай мөлдір жас
жарылса егер — "нейтроннан" күштірек.
Сақтаныңдар!
Сағат туса ерге сын,
адам ісін, аллам, өзің тергеші!
Мынау алғыр әйелдердің ғасыры
тек көз жастан қару жасай көрмесін!
Бірақ маған мынау жанар тұр ұнап —
(ұнағаны — құл болар ем бүгін-ақ).
Ал қарындас аңқаусиды, кірпікке
ең қуатты бомбаларды іліп ап.
Жылау керек,
(керек әрі боздамау),
керегірек кірпігіңді қозғамау.
Ажалға да ажар берер күлкі бар,
көз жасы да жарасатын көз бар-ау.
О, сезімнің шым еткен нұр-шуағы
жуам десе — кегіңді де жуады...
кірпік қақпай шыдай тұршы, көз жасы
тамып кетсе күл-талқаны шығады.
Кірпік қанша қағылмайды?!
Бір түнгі ой емес-ау бұл,
сақтық айтсам — құлқым ғой...
Сақтан!
Бір күн
мына дүние кірпігін
қағып-қағып жіберуі мүмкін ғой...



Пікірлер (0)

Пікір қалдырыңыз

Туған жер

  • 0
  • 0

— Туған жерің қай жер, — деді, — жаңа ақын?
— Ол жерде де аспан мен күн болатын.
— Туған жерің қай жер? — деді бір келіншек күлегеш,
— Қара жер! — деп жауап бердім, — су емес.

Толық

Ақын

  • 0
  • 0

Қып-қызыл бұлт қонды да тау басына,
бір жарқ етіп ант берді алласына:
"Шың мойнына орады далам мені,
енді осында мәңгілік қалам!" — деді.

Толық

Суыртпақ

  • 0
  • 0

...Маңдайы оның өткен өмір қолжазбасы – бәрі мұң,
Сол жазуға жетілік шам түсіретін жарығын.
Сөнер сәуле қалтылдайтын, қалтылдайтын әжем де,
Қалтылдаумен өткізіпті ол өмірінің жарымын.

Толық

Қарап көріңіз