Әттең, шіркін!

Атқан таңдай жарқырап,
Аққан судай сарқырап өттің, дәурен.
Жұпар иісің бұрқырап кеттің, дәурен, арман­ай!
Жұпар иісің бұрқырап кеттің, әттең, әттең, шіркін!
Шапқан аттай шалқытып,
Ұшқан құстай қалқытып өттің, дәурен.
Қызуыңа балқытып кеттің, дәурен, арман­ай!
Қызуыңа балқытып кеттің, әттең, әттең, шіркін!
Көк нөсердей селдетіп,
Көк теңіздей тербетіп өттің, дәурен.
Тұнығыңа шөлдетіп кеттің, дәурен, арман­ай!
Тұнығыңа шөлдетіп кеттің, әттең, әттең, шіркін!

---