Өлең, жыр, ақындар

Қазақ сиқы

  • admin
  • 27.12.2023
  • 0
  • 0
  • 500
Сөз айтпаймын мен саған қитығардай,
Тұрмысыңның, қарашы, сиқы қандай?
Жалғыз үйден аумайсың жау тонаған,
Үрерге иті, сығарға биті қалмай.
Көк торсықтай су толған күмпілдейсің,
Көлденеңдеп өткенді құр тілдейсің.
Қара сабау жоныңа қатты тисе,
Жолға түскен күшіктей бүлкілдейсің.
Қарақшы боп өзіңнен туған бала,
Қан сигізді қашқанға, қуғанға да.
Қуат алып әйтеуір қалқиясың,
Желбіреген көктегі Тудан ғана.
Қаладағы үзгенмен қыздан күдер,
Жай­-күйіне жүрегің сыздап жүрер.
Ішіңдегі жалының басылар ма,
Қаңтардағы асасаң мұздан бірер?!
Қай ұшына білмейсің тартарыңды,
Күнде қиып қысқарған арқаныңды.
Қораңдағы қойыңнан үміт үзіп,
Түгендейсің таудағы арқарыңды.
Бойға біткен бұйырмай құтың­-дағы,
Төсеніштің қалмады бүтін жағы.
Екі қолың босамас борбайыңнан,
Тозған шалбар тоналса бұтыңдағы.



Пікірлер (0)

Пікір қалдырыңыз

Қасым Аманжоловқа арыз айту

  • 0
  • 0

Көтеріл, тұр орныңнан, сөйле, Қасым,
Өлген деп ешкім сені ойламасын!
Салса да от пен суға жаны сірі,
Мына жұрт ақындармен ойнамасын!

Толық

Көңіліңе түсіп боқырау

  • 0
  • 0

Көңіліңе түсіп боқырау,
Жүдетсе желі сан жылдың,
Әніме менің осынау
Жұбанып, сонда сал, құрбым.

Толық

Көзіңде тұнса тамшы жас...

  • 0
  • 0

Қайық боп суға түстің де,
Кеме боп тарттың жағаға.
Тулаған толқын үстінде
Талайды көрдің, жан аға!

Толық

Қарап көріңіз