Өлең, жыр, ақындар

Ән­-домбыра

  • 18.10.2021
  • 0
  • 0
  • 7230
Саған ғана жан сырымды ашайын,
Саған ғана маржанымды шашайын.
Қосыл кәне әуеніме, домбыра,
Қоңыр кеште қоңыр әнге басайын.

Қайырмасы:
Ән­-домбыра,
Жан­-домбыра.
Балқытшы бір жанымды.
Жезтаңдайым,
Бозторғайым,
Тамылжытшы әніңді.

Бір өзіңде дала менен тау үні,
Бір өзіңде ғасырлардың дауылы.
Сен сөйлесең тебіреніп, толғанып,
Қара жердің елжірейді бауыры.

Қайырмасы.

Жыр-домбыра,
Сыр-домбыра,
Жаралғансың бағыма.
Тіл білгішім,
Бұлбұл құсым,
Сайрашы бір тағы да.

Сал домбыра, жан серігім жасымнан,
Сен қымбатсың жердегі бар асылдан.
Бабалардың аманатын арқалап,
Жеттің маған сонау алыс ғасырдан.

Қайырмасы.
Күй-домбыра,
Би­-домбыра,
Бүлкілдесін көмейің.
Көңіл сазым,
Қоңыз қазым,
Енді саған не дейін!?



Пікірлер (0)

Пікір қалдырыңыз

Туған жер

  • 0
  • 0

Өзіңсіз күнім күн бе екен,
Өзіңсіз түнім түн бе екен?
Тауыңда өрген киіктің
Тұяғы бүтін жүр ме екен?

Толық

Сілкініп ақ бүркіттей

  • 0
  • 0

Тоқсанға аман­-есен келдің, аға,
Асқарға ақиықтай қондың, аға!
Ұқсаған өмірің бар керқұлаға,
Ұқсаған көңілің бар домбыраға.

Толық

Төкен

  • 0
  • 0

Семейде отыр Ибрагимнің Төкені,
Іздей қалсаң, мұражайда мекені.
Санамаймын жазғаны мен сызғанын,
Бар қазаққа белгілі кім екені.

Толық

Қарап көріңіз