Өлең, жыр, ақындар

Есен-Жаңыл

  • 27.11.2015
  • 0
  • 0
  • 1974
Бұл өмір тұрады екен сыйластықтан,
Сыйластық болған жерде қимастық тән.
Өтсе де қаншама жыл, жайымыз бар
Сендермен жүздесетін күнге асыққан.
Десек тe дала тыныш, қала тыныш,
Жер шалғай - мұның өзі жаратылыс.
Тіршілік бағындырып өз заңына,
Ұшарға болмай тұр ғой қанатымыз.
Өмірдің қалып артта өткелдері,
Жастықтың қош айтысты көк белдері.
Алпысқа аман-есен жеттіңіздер,
Дос-жаран күткен сәт бұл көптен бері.
Мерейтой құтты болсын, Есен-Жаңыл!
Сияқты көңілдерің көше - даңғыл.
Өлшеусіз бір-біріңе махаббаттан,
Үлгі алып ұрпақтарың өседі әрбір.
Көңліміз ақ пейілін сақтауда әлі,
Күндердің бірге өткізген тәтті-ау бәрі.
Отырмыз сәлем жолдап Ақ Жайықтан,
Сыйлас пен қимастар деп Ақтаудағы.



Пікірлер (0)

Пікір қалдырыңыз

Жалғайды...

  • 0
  • 0

Қайда қоям алып-ұшқан көңілді,
Кемерінен асып, қанша төгілді.
Күнде көріп жүрген мына адамдар,
Менің ішкі жағдайымнан не білді?

Толық

Оралға оралғанда

  • 0
  • 0

Оралым, сол аязың, бораның да,
«Ақ тайлақ» ойнақтап жүр орамыңда.
Жүгіріп шықты, міне, қарсы алдымнан,
Асыққан баладайын қол алуға.

Толық

Жайығым

  • 0
  • 0

Ешкімнен жасырмайтын уайымым бұл,
Бетіме бассаң да осы «айыбымды».
Кешірер мейірімі мол кәрі Атырау,
Сағынып жүрсем қазір Жайығымды.

Толық

Қарап көріңіз

Басқа да жазбалар