Өлең, жыр, ақындар

Қазақтай ел қайда?

  • 21.10.2021
  • 0
  • 0
  • 4591
Көңілі көлдей шалқыған,
Қазақтай ел қайда?
Даласы жусан аңқыған,
Өзіңдей жер қайда,
Киелім!

Таусылмас саған айтарым,
Ардақтап өтейін!
Бабадан қалған байтағым,
Садағаң кетейін,
Киелім!

Қайырмасы:
Күлімдеп жатқан көлден,
Көкорай шалғын белден,
Құбыла соққан желден
Айналайын!
Тілегін тәңір берген,
Қасиет қонған елден,
Ел үшін туған ерден
Айналайын!

Болмасаң өзің айбарым,
Мұратқа жетер ме ем?
Түспесін төмен байрағың,
Төбеңе көтерген,
Киелім!

Ғасырлап күткен армандай,
Тербеген асқақ ән –
Ұлыңа, Алла, жар болғай,
Елімді бастаған,
Киелім!

Қайырмасы.


Пікірлер (0)

Пікір қалдырыңыз

Жазғытұры

  • 0
  • 0

Суықтың сынып семсері,
Саптама киген таусылды ай.
Тоз-тозы шығып сеңсеңі,
Таулар тұр тонын қаусырмай.

Толық

Маң-маң басып келеді

  • 0
  • 0

Асқақтатып ағасын аспандатты демеңдер,
Менен бұрын бағасын беріп қойған кемелдер.
Көкірегі күйсандық – ән мен жырдың қоймасы,
Алдарыңда, ағайын, сырлы сазды кемеңгер.

Толық

Бозторғайдың жағы талмас

  • 0
  • 0

Өлең өлді деген жанның алдыменен өзі өлген,
Күпіршілік қылғандардың оңбайтынын сезем мен.
Жаратқанның жерге төккен ол­дағы бір зауалы –
Көктен тамшы бұйырмаса гүл ерніне кезерген.

Толық