Өлең, жыр, ақындар

Бақыт жеңгем

  • 03.11.2021
  • 0
  • 0
  • 558
Бақыт жеңгем –
Бәйкен аға тірегі,
Қыз Жібектей Төлегеншіл жүрегі.
Ел ағасын барша қазақ сыйласа,
Жалау болған жеңешемнің тілегі.
Жасыбайдың тазалығы жұғыпты,
Сырымбеттің даналығын ұғыпты.
Жетісуға, Сара апасы секілді,
Көрсетіпті әз жеңгелік ғұрыпты.
Басқан ізін кең ақылмен өлшетті,
Нар тұлғамен ұл­қыз баулып жол шекті.
Жағаласпай Жарлығына Совминнің,
Ханымдарға кемеңгерлік көрсетті.
Бақытты екен Әшімовтер әулеті,
Бақыт жеңгем – сол әулеттің сәулеті.
Үлесі бар менің осы жеңгемнің
Қазағымның мықты болса дәулеті.
Сүйеу болса асыл ару асылға,
Қолдаушысы болды берік қасында.
Жеңгелердің маршалы деп өтермін
Біздер шеккен жиырмасыншы ғасырға.



Пікірлер (0)

Пікір қалдырыңыз

Туған елім, туған жерім

  • 0
  • 0

Туған елім, туған жерім
Сүйіп келсе өлкемді күн,
Көрдім кербез жер кеңдігін.
Кәкімбек Салықов

Толық

Есілдегі Астана

  • 0
  • 0

Есілдегі Астана
Қоштасып қарт Алатау астанамен,
Көш тартты Сарыарқаға басты мәрем.
Кәкімбек Салықов

Толық

Ақ тамақ

  • 0
  • 0

Ақ тамақ - Кәкімбек Салықов
Қара көз,
Тамағыңның аппағын­ай,
Талмаурап

Толық

Қарап көріңіз