Өлең, жыр, ақындар

Өсиеті анамның

  • 03.11.2021
  • 0
  • 0
  • 1382
Айтқаны қызық анамның,
Әр сөзі – мәңгі өсиет.
– Қасиетті адамның
Досы боп өту – қасиет.
Аңдап бассаң сақ жүріп,
Аллаға жетер арызың.
Жақсылыққа – жақсылық, –
Деп еді, – ең зор парызың.
Сүрінсең өтер қарамай,
Жолама жалтақ борқаға.
Адал достан аямай,
Барыңды төгілт ортаға.
Дақ салма сыйлы көңілге,
Желікпе дұшпан желдесе.
Дым бітпейді өмірде,
Ашуды ақыл жеңбесе.
Жабылып қалған түндіктей,
Тоғандай көрме ойыңды.
Бәйгеге түсер жүйріктей
Жараулы сақта бойыңды.
Тұғырға сеніп жүрсең де,
Құзырға құлаш сермеп қой.
Біреуге ойнап­күлсең де,
Болмауды күлкі зерлеп қой.
Кездесер тайғақ жол талай,
Тайсалмай өрге бар, жаным.
Бер жағын ғана барламай,
Байқап қал таудың ар жағын.



Пікірлер (0)

Пікір қалдырыңыз

Жезкиік

  • 0
  • 0

Жезкиік - Кәкімбек Салықов
Жез қанат, күміс бауыр киік көрдім,
Дәруі сол ма дерсің күйік-шердің.
Жез марал жүреді екен арасында

Толық

Жанымды жалған сөзге жалдай алман

  • 0
  • 0

Жанымды жалған сөзге жалдай алман
Болмапты қайсымызда қандай арман?
Махаббат сәтті­сәтсіз кезін айтпай,
Кәкімбек Салықов

Толық

Рудакиге еліктеу

  • 0
  • 0

Рудакиге еліктеу
Кең жалғанның алармын ба алғысын,
Ақ дидарың шақырады жан құсын.
Кәкімбек Салықов

Толық

Қарап көріңіз