Кәкімбек Салықов

Көшедегі көрініс

Бұл бетте «Көшедегі көрініс» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.11.2021
0
0
658

Қара айғырдай басы қасқа, ақ табан,
«Джиптер» барлық көшелерде қаптаған.
«Бұлар – біздің ұлттық көлік» дейді екен
Інілерім қонақтарға мақтаған.
О, Иншалла!
Көп көлікке жарыдық,
Темір тұлпар әрі жайлы, әрі нық.
Қалталылар, шенділер өңкей бақталас,
Бәсекеге түсіп әбден байыдық.
Рекламалар – алақжолақ елестер,
Жыпыржыпыр жарнамасын тез ескер.
Кей жерлерде жабайы сөз жазадыау
Қытығыңа тиіп кетер өрескел.
Фотосалон «KODAK» болып кетіпті,
«AMSTEL» сыра «ұятсыз» болып бекіпті.
Ойлайықшы, намыс қайда, ағайын,
Осындайды тыятын сәт жетіпті.
Көше көркін көтерсек көп есеге,
Халық саны әлі онша емес десе де,
Көңіл көншір қуаныш бар әйтеуір:
Екіқабат әйелдер көп көшеде.

2009

Кәкімбек Салықов көшедегі көрініс Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар