О, көктем, келдім саған барымды алып

Бұл бетте «О, көктем, келдім саған барымды алып» атты Қанипа Бұғыбаева жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 06.11.2021
  • 0
  • 0
  • 899
О, көктем, келдім саған барымды алып,
Өзің біл, өте шықсаң сағымданып.
Үміттің жиырма бесте жансам деген,
Отыз бес, бересің бе шамын жағып?
Кетпейтін қайда жүрсем ырғағы естен,
Отыз бес, қоңыр жел ме ең қырдан ескен.
Өрінен өткен күннің қол бұлғайды,
Қия алмай жастық шағын бір нәресте4.
Қайнаған ішім теңіз, үстім көбік
Уақыттың кірпігінен түстім бе еріп.
Бір сезім бір өмірге қанат жайды,
Көгінде көңілдердің ұшқым келіп.
Өмірдің қоңыраулатып отыз көшін,
Жылдарым жырларымнан от үзбесін.
Жұртыңа тастап мені барасың-ау,
Көктемім – құс қанатты отыз бесім.
Ей, күнім, бұр бетіңді, бір қарайын,
Көзіңпен тамшы болып сырғанайын.
Ыстық, кең туған елдің құшағында
Мәңгілік нәрестең боп іңгалайын.


Пікірлер (0)

Пікір қалдырыңыз

Жиі қойылатын сұрақтар

О, көктем, келдім саған барымды алып өлеңінің авторы кім?

Қанипа Бұғыбаева — осы өлеңнің авторы.

О, көктем, келдім саған барымды алып өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

О, көктем, келдім саған барымды алып өлеңі не туралы?

Бұл шығарма табиғат туралы өлең ретінде танымал. Өлеңде автор өз ойын көркем түрде жеткізеді.

О, көктем, келдім саған барымды алып өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері