Өлең, жыр, ақындар

Сені көріп айрылдым бар еріктен

  • 06.11.2021
  • 0
  • 0
  • 612
Сені көріп айрылдым бар еріктен,
Сенің сөзің мұз жанымды еріткен.
Сұрау салып қыр соңыңнан қалмаспын,
Қайда барсаң, көлеңкеңдей еріп мен...
«Сұлулардан» жүрген кезде жеріп мен,
Сен кездестің өзгеше бір көрікпен.
Қайда барсаң, өзің жүрген жолменен
Бірге барам, жетім лақтай еріп мен...
Күтем сені атар таңмен, кешпенен,
Үмітімнің ұшқынысың өшпеген.
Өзің тұрмақ, өміріме мен сенің
Ер тұлғалы елесіңді ес көрем...
Аялаған бағыңда бар өз гүлің,
Айта алмаймын батып саған сөз бүгін.
Бетпе-бетте мен еңкейіп өтсем де,
Сен еңкейме, еңкейгенің ездігің...
Көз алдымда бүкіл дүние айналып,
Жұлдыз қарар, ақ айдынды айна ғып.
Қос жүректің ортақтасып сырына,
Ақша бұлтпен бетін бүркер ай барып...
Ақ самалдай көкірегіме келіп кір,
Сендік сезім гүлдеп әлі өніп тұр.
Көктем алып келеріңе сенем мен,
Алаулаған жүрек таңы болып бір...



Пікірлер (0)

Пікір қалдырыңыз

Айта алмаймын

  • 0
  • 0

Айта алмаймын,
алғанымды сұрама,
Ұрпағыма не қалады мұраға.
Ойлап тұрсам, о, жаралы жер-ана.

Толық

Қабағыңды қарама, түйіп маған

  • 0
  • 0

Қабағыңды қарама, түйіп маған,
(Бір көргеннен біреуді сүйіп қалам)
Махаббатсыз жамылған мұз көрпені,
Мұхиттаймын мәңгілік ұйықтаған.

Толық

Ауа жетпей кейде бір алқынамын

  • 0
  • 0

Ауа жетпей кейде бір алқынамын,
Ондай кезде шығады салқын әнім.
Ғашық болып тағы да таңғы күнге,
Таңғы күндей биікке талпынамын.

Толық