Өлең, жыр, ақындар

Менің даусым

  • 08.11.2021
  • 0
  • 0
  • 631
Жаңбырын, ақ шуағын құйып кеуде,
Жыр бағын сыйға тартсам сүйікті елге.
Сол бақтан үнім тарап кеңістікке,
Дауысым жетсе менің биіктерге!
Жаңғырып, қырды кезсе, даланы асып,
Үнімде болмай ешбір ара қашық.
Жалғассам уақыттың ырғағына,
Дамылсыз тіршілікпен араласып.
Ән төккен, көмейінен бұл күнге ашық,
Даусыма болса менің бұлбұл ғашық.
Күн сүйген тыныштықпен жазықтағы,
Тербелсем, ақ бидаймен сыбдырласып.
Жер бетін көкірегіммен көріп күнде,
Айналсам, бір керемет көрікті үнге.
Байлықтың қазанында жатсам қайнап,
Ойларым әппақ қоймен өріп бірге.
Тұратын маңдай тосып түз өтінде,
Кеудесін ұрпақ үшін із етуге.
Аналық жүрегімнің дүрсілімен,
Біргемін бейбітшілік күзетінде.
Жарықтай жарып шыққан бұлт ішінен,
Көпке ортақ, құбыламын күн түсімен.
Естілер менің даусым еш алаңсыз,
Сәбидің кәусар бұлақ күлкісінен.
Жазамын ұлы дәуір дастанын мен,
Тіл қатып, ақ таңдарға асқақ үнмен.
Мен баймын, өмірлімін, бақыттымын,
Осынау туған жермен, аспаныммен.
Жанымды арман құмар, үміт құмар,
Жылдарым жолға салып шынықтырар.
Ақ көңіл адам барда жер бетінде,
Әрқашан менің орным биік тұрар.



Пікірлер (0)

Пікір қалдырыңыз

Болашаққа берейін сөз кезегін

  • 0
  • 0

Бұл өмірден біреулер жерінеді,
Ерінеді, зерігіп, керіледі.
Кәрі дүние баланың көздеріне
Жаралғандай жаңадан көрінеді...

Толық

Кімге айтамын, сырымды кімге сенем

  • 0
  • 0

Кімге айтамын, сырымды кімге сенем,
Көңілім ай, үміттен күл көсеген.
Басымды ұрып сол жанның аяғына –
Құлайын ба, күйімді білмесе, мен?

Толық

Жазылады қашан, қалай соңғы өлең,

  • 0
  • 0

Жазылады қашан, қалай соңғы өлең,
Ескі достың шамына ұқсап сөнбеген.
Жапырақтың көзіндегі тамшыдай
Жер-анаға сіңіп жатыр шөлдеген...

Толық

Қарап көріңіз