Қанипа Бұғыбаева

Өлмегендер

Бұл бетте «Өлмегендер» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

08.11.2021
0
0
651

Өлмегендер –
Тірі кетіп, үйіне келмегендер.
Отан үшін өмірін көктей қиып,
Сүйем жерін жауына бермегендер,
Тірілердің тірлігін тербегендер!
Өлмегендер –
Қош айтысып, еліне келмегендер,
Есерлерге ерлікті түсіндіріп,
Үстемдік пен қорлыққа көнбегендер,
Осы болар аты аңыз ер дегендер.
Келмегендер –
Жер астына есімін көмбегендер.
Желбіретіп көгіне Жеңіс туын,
Таза ауаға бір жұтым шөлдегендер.
Жүректерден орын ап, өлмегендер.
Дауылды сын
Халық үшін көтердің ауырды шын.
Қарыздармын сендерге, әз ағалар,
Таңым үшін, бұл бейбіт таңым үшін.
Ерлік толы өмірдің әнімісің!..
Өлмегендер –
Қош айтысып, қайтадан келмегендер.
Жалынды жүректерден от боп жанып,
От боп жанып, мәңгілік сөнбегендер.
Тірілердің тірлігін тербегендер!

Қанипа Бұғыбаева өлмегендер Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар